Política de privacidá

1. Responsable del tratamientu

De conformidá col Reglamentu (UE) 2016/679, Xeneral de Protección de Datos (RGPD) y la Llei Orgánica 3/2018, de 5 d'avientu, de Protección de Datos Personales y garantía de los drechos dixitales (LOPDGDD), el responsable del tratamientu de los datos personales recoyíos a traviés d'esti Sitiu ye:

• Identidá: Tever Díaz García, persona física.
• NIF: 71661831H.
• Domiciliu: C/ Xeneral Elorza 72, 1D, CP 33001, Uviéu, Asturies.
• Contautu: [email protected].
• Delegáu de Protección de Datos (DPO): nun ye obligatorio nomar ún. La llei namás lu esixe pasáu ciertu volume o ciertu tipu de tratamientu (art. 37.1 RGPD) — por exemplu, tratar datos sensibles a gran escala o vixilar persones de forma sistemática. Esta tienda nun fai denguna d'eses coses: namás xestiona los datos necesarios pa unviar pidíos y facturalos.

2. Datos personales que se traten

A traviés del procesu de compra recuéyense los siguientes datos:

• Nome y apellíos (obligatoriu) — identificación del comprador, unviu, facturación.
• Corréu electrónicu (obligatoriu) — confirmación de pidíu, comunicaciones sobro'l pidíu, consulta de pidíu ensin cuenta.
• Teléfonu (obligatoriu) — esclusivamente pa incidencies de repartu (contautu del tresportista/proveedor de fabricación en casu de problema cola entrega).
• Direición d'unviu (obligatoria) — entrega física del productu.
• Direición de facturación (opcional, por defeutu la d'unviu) — namás si'l cliente indica una distinta.
• NIF/NIE/CIF (obligatoriu) — obligación fiscal d'emisión de factura.
• Historial de pidíu (xeneráu, non introducíu pol usuariu) — xestión del pidíu, atención posventa, consulta vía corréu + códigu d'accesu.

Nun se solicitan datos de categoríes especiales (art. 9 RGPD: salú, ideoloxía, orientación sexual, etc.). Nun hai creación de cuentes d'usuariu nin perfiles: el Sitiu nun almacena contraseñes nin historial de navegación asociáu a una identidá persistente más allá del propiu pidíu.

El NIF/NIE/CIF enxamás s'unvia al proveedor de fabricación (Printful) — resérvase esclusivamente pa facer la factura, como midida de minimización de datos aplicada por diseñu (art. 25 RGPD). Sí s'unvia, xunto col restu de datos de facturación, al sistema que xenera la factura — ver puntu 4.

Datos de pagu: el Sitiu nun recueye nin almacena datos de tarxeta. El pagu procésase íntegramente a traviés de Stripe (Payment Intents API); el sirvidor de La Vieya Asturies enxamás recibe nin ve'l númberu de tarxeta, CVC o data de caducidá — estos viaxen direutamente del restolador del cliente a Stripe.

3. Base xurídica del tratamientu

De conformidá col art. 6.1 RGPD:

• Execución d'un contratu (art. 6.1.b): tratamientu de nome, corréu, teléfonu, direición d'unviu/facturación — necesarios pa xestionar la compra, fabricar y entregar el productu.
• Cumplimientu d'una obligación llegal (art. 6.1.c): tratamientu del NIF/NIE/CIF, necesariu pa la emisión de factura conforme a la normativa fiscal (Reglamentu de facturación, RD 1619/2012, y normativa Veri*Factu).
• Nun se trata dengún datu sobro la base de consentimientu nel procesu de compra en sí. El Sitiu nun fai unviu de comunicaciones comerciales nin marketing por corréu nel estáu actual.

4. Destinatarios de los datos (cesiones ya encargaos de tratamientu)

Los datos comuníquense a los siguientes terceros, namás na midida necesaria pa prestar el serviciu contratáu:

• Printful (fabricación baxo demanda): recibe nome, direición d'unviu completa y teléfonu si se facilitó — enxamás corréu, enxamás NIF. Úsalu pa fabricar y unviar el productu. Actúa como encargáu del tratamientu (art. 28 RGPD).
• Stripe (pasarela de pagu): xestiona íntegramente los datos de pagu, que enxamás pasen pol sirvidor de La Vieya Asturies; pue recibir tamién nome/corréu pa procesar el pagu y evitar fraude. Actúa como encargáu del tratamientu (art. 28 RGPD) y, pa la so propia función de prevención de fraude, como responsable independiente sigún la so propia política de privacidá.
• Dolibarr / Xiringase (sistema que xenera la factura): recibe nome, corréu, NIF/NIE/CIF, direición de facturación y l'importe del pidíu, namás pa facer la factura. Actúa como encargáu del tratamientu (art. 28 RGPD).

Nun se ceden datos a terceros con fines de marketing. Nun hai venta de datos a terceros.

5. Tresferencies internacionales

Stripe y Printful puen tratar datos fuera del Espaciu Económicu Européu (los dos tienen sede n'Estaos Xuníos). Cada ún ampárase nun mecanismu distintu:

• Stripe: adheríu al marcu d'adecuación UE-EE.XX. (Data Privacy Framework, Decisión d'Execución (UE) 2023/1795), reforzáu con Cláusules Contractuales Tipu (art. 46 RGPD) como garantía adicional.
• Printful: por aciu Cláusules Contractuales Tipu (art. 46 RGPD), conforme a la Decisión d'Execución (UE) 2021/914 de la Comisión Européa.

Dolibarr/Xiringase trata los datos dientro d'España, ensin tresferencia internacional.

6. Plazu de conservación

Los datos del pidíu (identificación, direición, factura) consérvense mientres esista obligación llegal de facelo: 4 años a efeutos fiscales (art. 66 y ss. Llei 58/2003 Xeneral Tributaria) y 6 años a efeutos mercantiles (art. 30 Códigu de Comerciu). Pasáu esi plazu, suprímense o anonimízense, salvo que la llei obligue a bloquealos en cuenta de borralos.

7. Comunicaciones comerciales / marketing

Esta tienda nun unvia publicidá nin newsletters per corréu. Si eso camuda nel futuru, esta páxina anovaráse pa esplicar la base llegal (el to consentimientu, art. 6.1.a RGPD) y cómo date de baxa, conforme tamién al art. 21 de la Llei 34/2002 (LSSI-CE).

8. Facturación y Veri*Factu

El NIF/NIE/CIF que das nel checkout úsase pa facete la factura, per aciu de Dolibarr/Xiringase (ver puntu 4). La normativa antifraude de facturación (RD 1007/2023, conocida como Veri*Factu) esixe que'l sistema informáticu usáu garantice que los rexistros de facturación nun se puedan alterar nin desaniciar una vegada emitíos.

9. Los tos drechos sobro los tos datos

Tienes drechu a:

• Acceder a los tos datos personales (art. 15 RGPD).
• Rectificar datos inesautos (art. 16 RGPD).
• Pidir que se supriman los tos datos (art. 17 RGPD), cuando procesa.
• Pidir que se llimite'l so tratamientu (art. 18 RGPD).
• Opónete al tratamientu (art. 21 RGPD).
• Pidir la portabilidá de los tos datos (art. 20 RGPD).
• Retirar el to consentimientu en cualisquier momentu, cuando'l tratamientu se base n'él, ensin que ello afeute a lo yá tratao enantes (art. 7.3 RGPD).

Pa exercer cualisquier d'estos drechos, escribi a [email protected] col asuntu «Exerciciu de drechos RGPD» y axunta una copia d'un documentu qu'acredite la to identidá. Si camientes que nun tratemos bien los tos datos, tamién pues reclamar énte l'Axencia Española de Protección de Datos (AEPD, www.aepd.es).

10. Encargaos de tratamientu y garantíes

Printful, Stripe y Dolibarr/Xiringase actúen como encargaos del tratamientu (art. 28 RGPD) pa les finalidaes descrites nel puntu 4, conforme a los sos respeutivos alcuerdos d'encargáu de tratamientu (DPA).

11. Seguridá

Aplicamos midíes téuniques ya organizatives pa protexer los tos datos frente a accesu non autorizáu, perda o alteración (art. 32 RGPD), incluyendo cifráu en tránsitu (HTTPS) en tol Sitiu.

12. Cookies

Ver Política de Cookies pal detalle del usu de cookies ya almacenamientu llocal nel Sitiu.